3.
Akileraartarnermut isertitat pillugit kisitsisitigut paasissutissat
Akileraartarnermut
isertitanut kisitsisitigut paasissutissat tassaapput isertitanut
nalunaarsuutit, taakkuuppullu isertitat pillugit kisitsisitigut paasissutissani
piffissami sivisunerpaami pigineqartut, immikkut soqutiginaatilimmik
oqaluttuarisaanermik ersersitsisoq. Ukiut ingerlanerini akileraartarnermut
inatsisit allanngortarneri aamma nalunaarsuinerni periutsit allanngortarneri eqqarsaatigalugit,
akileraartarnermut isertitat pillugit kisitsisitigut paasissutissat
mianersortumik paasisariaapput.
Kapitali
5-imi immikkoortoq 5.3-mi 2012-imiit 2016-imut nuna tamakkerlugu kisitsisit
ataatsimut naatsorsuutillu kommunini ataasiakkaani nassaassaapput, kisitsisit
1988-imiit 2016-imut pissarsiariniaraanni Kisitsisaataasivik
alakkarneqarsinnaavoq uunga bank.stat.gl/INNS1.
Titartagaq
3.1 1988-imiit 2016-imut isertitat akileraarutaasussat akileraarutissaviillu
ineriartornerat
Najoqqutaq: http://bank.stat.gl/INDS1 |
2016-imi
isertitat akileraarutaasussat ataatsimut 10,5 mia. kr.-niupput, akileraarutissaviillu 3,6 mia.
kr.-iullutik. 1990-ikkut
qiteqqusimalerneranili taakku qaffakkiartorsimapput.
Titartagaq
3.2 1989-imiit 2016-imut isertitat akileraarutaasussat ukiumiit ukiumut ineriartornerat
Najoqqutaq: http://bank.stat.gl/INDS1 |
2016-imi
isertitat ataatsimut akileraaruteqaataasussat ukiup siulianut sanilliullugu 565
mio. kr.-inik qaffariarsimapput, tamannalu qaffariaat
5,7 pct.-iuvoq.
Titartakkami 3.2-mi takuneqarsinnaavoq qaffariaat oqaluttuarisaanermi
immikkuullarissoq – allaat ukiut marluk tulleriitiinnarlugit
qaffariaateqartoqarsimasoq, 2014-imi appariarsimanera eqqaasanngikkaanni.
Titartagaq
3.3 2016-imi isertitat ataatsimut akileraaruteqaataasussat ataatsimullu
akileraarutissaviit kommuninut akileraarfissamut immikkoortillugit
Najoqqutaq: http://bank.stat.gl/INDS1 |
Titartakkap
3.3-ip ersersippaa Kommuneqarfimmi Sermersuumi
isertitat ataatsimut akileraaruteqataasussat ataatsimullu akileraarutissaviit
malunnartumik kommuninut allanut sanilliullugu annertunerusut. 2016-imi nuna
tamakkerlugu isertitat akileraaruteqaataasussat 47,8 pct.-iat, nuna tamakkerlugu isertitanit akileraarutit 49,0 pct.-iat Kommuneqarfik
Sermersuummeersuuvoq.